खाण्यातील चवी आणि मानवी स्वभाव यांचं गूळपीठ कसं जमलंय बघा ! आपण बोलताना सहज बोलूनच जातो की, अगदी गोड स्वभाव हो पोरीचा , किंवा काकू जरा तिखटच आहेत तशा ..जेव्हा पाहावे तेव्हा कडवटच बोलणं यांचं , असं यंव न त्यंव ! स्वभावाप्रमाणेच माणसाच्या चवींच्या सुद्धा प्रायॉरिटीज ठरलेल्या .. एखाद्याला तिखट जाळ सोसेल अशी जिव्हा लाभलेली , दुसऱ्याची बत्तीशी जणू काही बत्त्याशाच्या पाकात बुडालेली इतका गोडखाऊ , कोणी भाजी- वरणापेक्षा पानाच्या डाव्या बाजूच्या चटपटीत चटण्या नी लोणच्याच्या अगदी दात आंबवून मिटक्या मारतोय तर कोणी परफेक्ट चवीच्या दहीवड्यावर अजून वरून काळं मीठ भुरभुरवून खातोय !
…
