कोकणी कोंबडीचा रस्सा
Author: 
Recipe type: Main
Cuisine: Indian
 
कितीजणांना पुरेल : ४ ते ५ तयारीसाठी वेळ: २० मिनिटे शिजवण्यासाठी वेळ : ४५ मिनिटे
Ingredients
  • साहित्य:
  • • ७५० ग्रॅम गावठी/ ब्रॉयलर कोंबडीचे चिकन , स्वच्छ धुऊन , मध्यम आकाराच्या तुकडे करून
  • • १ कप कोथिंबीर
  • • अर्धा कप पुदिन्याची पाने
  • • ४ हिरव्या मिरच्या
  • • दीड इंच आल्याचा तुकडा
  • • ७-८ लसणीच्या पाकळ्या
  • वाटणासाठी :
  • • पाऊण कप = ७५ ग्रॅम्स किसलेले सुके खोबरे
  • • १ मोठा कांदा = १०० ग्रॅम्स लांब चिरलेला
  • • ५-६ लसणीच्या पाकळ्या
  • • १ टीस्पून हळद
  • • ५ टेबलस्पून मालवणी मसाला
  • • अर्ध्या लिंबाचा रस
  • • मीठ
  • • तेल
Instructions
  1. कृती:
  2. • चिकनच्या तुकड्यांना हळद ,थोडे मीठ आणि लिंबाचा रस चोळून १० मिनिटे बाजूला ठेवून द्यावे .
  3. • मिक्सरमधून आले , लसूण , मिरच्या , कोथिंबीर आणि पुदिना पाव कप पाणी घालून बारीक वाटून घ्यावे .
  4. • एका प्रेशर कूकरमध्ये ३-४ टेबलस्पून तेल गरम करून घ्यावे . त्यात हिरवं वाटण घालून चांगले तेल सुटेपर्यंत परतून घ्यावे ( ४-५ मिनिटे )
  5. • आता चिकनचे तुकडे घालून नीट मसाल्यात एकत्र करून घ्यावेत . आच मंद करून झाकून ३-४ मिनिटे एक वाफ काढावी .
  6. • चिकनला थोडे पाणी सुटू लागते . कुकर मध्ये दीड कप पाणी घालून कुकर बंद करावा . मंद ते मध्यम आचेवर १० -१२ मिनिटे चिकन शिजवून घ्यावे . २-३ शिट्ट्या काढल्या तरी हरकत नाही .
  7. • कुकर थंड होईपर्यंत वाटप करून घ्यावे . एका तव्यात सुके खोबरे चांगले खरपूस भाजून घ्यावे ( ५-६ मिनिटे ) . एका ताटलीत काढून घ्यावे .
  8. • त्याच तव्यात १-२ टेबलस्पून तेल घालून लसूण गुलाबी रंगावर परतून घ्यावी . नंतर कांदा घालून चांगला खरपूस भाजून घ्यावा ( ८ ते १० मिनिटे ) .
  9. • नंतर भाजलेले सुके खोबरे मिसळून गॅस बंद करावा . वाटप थंड झाले की मिक्सरमध्ये पाऊण कप पाणी घालून बारीक वाटून घ्यावे .
  10. • एका मोठ्या लंगडीत ३-४ टेबलस्पून तेल गरम करून घ्यावे . त्यात मालवणी मसाला घालून तो करपू नये म्हणून थोडे पाणी घालावे . तेल सुटेपर्यंत परतून घ्यावे .
  11. • आता वाटण घालून मंद आचेवर चांगले परतून घ्यावे ( ५मिनिटे ) .
  12. • नंतर चिकनचे तुकडे घालून त्यातच चिकन शिजवलेले पाणी घालावे . मध्यम आचेवर एक उकळी येऊ द्यावी . चवीपुरते मीठ घालावे . झाकून मंद आचेवर ५-७ मिनिटे रस्सा मुरत शिजवून घ्यावा .
  13. • हा कोंबडीचा रस्सा पोळी , भाकरी , आंबोळी , वडे किंवा भातासोबत वाढावा.
Recipe by Kali Mirch - by Smita at https://kalimirchbysmita.com/konkani-kombdi-rassa-chicken-curry-in-pressure-cooker-konkani-chicken-curry/