शेपूचे पोळे- Dill Leaves Pancake
Author: 
Recipe type: Main
Cuisine: Indian
 
किती बनतील : ८ ते १० तयारीसाठी वेळ : १२ तास बनवण्यासाठी वेळ : ३० मिनिटे
Ingredients
  • साहित्य:
  • १ कप - २०० ग्रॅम्स लहान दाण्यांचा तांदूळ ( इंद्रायणी / बासमती तुकडा/ आंबेमोहोर )
  • अर्धा कप = १०० ग्रॅम्स उडीद डाळ
  • २ टेबलस्पून = २० ग्रॅम्स चण्याची डाळ
  • पाव कप = ३० ग्रॅम्स पोहे
  • १ टीस्पून मीठ
  • पाव टीस्पून मेथी दाणे
  • तेल
  • पाणी गरजेनुसार
  • ७० ग्रॅम्स शेपू ( सव्वा ते दीड कप )
  • ३ हिरव्या मिरच्या
  • अर्धा कप = ४० ग्रॅम्स किसलेले ओले खोबरे
  • दीड ते दोन टेबलस्पून गूळ
Instructions
  1. कृती:
  2. पोळ्याच्या मिश्रणासाठी सगळे साहित्य तांदूळ , डाळी आणि पोहे स्वच्छ पाणी निघेपर्यंत चौ घ्यायचे आहे .
  3. नंतर मेथीचे दाणे तांदळासोबत भिजवत ठेवावे आणि डाळी सुद्धा पाण्यात बुडेपर्यंत सहा ते ८ तासांसाठी भिजवाव्यात ! पोहे वाटायच्या आधी १ तास भिजवले तरीही चालतील .
  4. ८ तासानंतर तांदूळ नी डाळींतील पाणी काढून टाकावे . मिक्सरमधून हे सगळे पाणी घालून बारीक वाटून घ्यावे .
  5. पाऊण कप पाणी घालून मिश्रण आपण वाटून घेतले आहे . एका खोलगट भांड्यात काढून हाताने एकाच दिशेने ३-४ मिनिटे गोलाकार फिरवत नीट ढवळून घ्यावे .
  6. हे मिश्रण सरसरीत असावे . नंतर झाकण घालून ८ ते १० तासांसाठी झाकून आंबवण्यास ठेवावे.
  7. जेव्हा शेपूचे पोळे करायला घ्यायचे आहेत तेव्हा शेपूची पाने आणि कोवळी देठे , ओले खोबरे , मीठ आणि गूळ अर्धा कप पाणी घालून मिक्सरमधून फिरवून घ्यावेत .
  8. पोळ्यांचे मिश्रण ८ तासांत चांगले फुलते . त्यात शेपूची पेस्ट घालावी . मिश्रण सरसरीत असले तर पाणी घालून नये .
  9. एका भिड्यावर/ काहिलीवर किंवा नॉनस्टिक तव्यावर थोडे तेल पसरवून गरम करून घ्यावे . नंतर आच मध्यम करून दीड ते दोन डाव मिश्रण मध्यभागी घालून गोलाकार पसरवावे . पोळे थोडे जाडच घालावेत . झाकण घालून २ मिनिटे होऊ द्यावेत .
  10. नंतर बाजू उलटून पोळे दुसऱ्या बाजूने देखील शिजवून घयावे .
  11. गरम गरम शेपूचे पोळे चटणीसोबत किंवा उसळीसोबत खायला द्यावेत .
Recipe by Kali Mirch - by Smita at https://kalimirchbysmita.com/shepuche-pole-shepeche-pole-shepu-dosa-dill-leaves-pancake/