कोकणी पद्धतीचे बांगड्याचे लाल कालवण
Author: 
Recipe type: Main
Cuisine: Indian
 
Ingredients
  • कितीजणांसाठी बनेल : ३ ते ४
  • तयारीसाठी वेळ :३० मिनिटे
  • शिजवण्यासाठी वेळ : २० मिनिटे
  • साहित्य :
  • अर्धा किलो मध्यम आकाराचे बांगडे ( २-३ तुकडे करून )
  • अर्धा टीस्पून हळद
  • मीठ
  • १ मोठा कांदा ( १०० ग्रॅम्स ) - लांब चिरून ,
  • अर्धा इंच आल्याचा तुकडा
  • ५-६ लसणीच्या पाकळ्या
  • २ टीस्पून बडीशेप
  • १ टेबलस्पून धणे
  • २ मोठे टोमॅटो ( १५० ग्रॅम्स) तुकडे करून
  • २ टीस्पून काश्मिरी सुक्या लाल मिरच्या
  • १ कप = ८५ ग्रॅम्स किसलेले ओले खोबरे
  • ७-८ सुक्या बेडगी लाल मिरच्या
  • तेल
  • १ टीस्पून मोहरी
  • १० -१२ कढीलिंबाची पाने
  • ४-५ कोकमं
Instructions
  1. कृती :
  2. धुतलेल्या बांगड्यांच्या तुकड्यांना हळद आणि मीठ चोपडून घ्यावे व काही वेळ तसेच बाजूला मुरत ठेवावे .
  3. तेल , मोहरी , कढीपत्ता , मीठ, कोकमं सोडून बाकी सारे साहित्य साधारण १ कप पाणी घालुन मिक्सरमधून किंवा पाट्यावर बारीक गंधासारखे वाटून घ्यावे .
  4. एका कढईत २-३ टेबलस्पून तेल गरम करून घ्यावे . त्यात मोहरी , कढीलिंबाची फोडणी करावी . नंतर वाटलेला मसाला घालून चांगला परतून घ्यावा . हा कच्चा मसाला असल्याकारणाने परतताना अर्धा कप पाणी घालून झाकण घालून शिजवून घ्यावा .
  5. साधारण दहा मिनिटांत मसाला शिजला की त्यात सुमारे ३ कप गरम पाणी घालावे . मध्यम आचेवर एक उकळी येऊ द्यावी . नंतर थोडी बारीक चिरलेली कोथिंबीर घालावी .
  6. आच मंद करून कढईच्या कडेने माशाचे तुकडे अलगद कालवणात सोडावेत . झाकण घालून मंद आचेवर शिजू द्यावे.
  7. साधारण ३ ते ४ मिनिटांत मासा शिजतो . कोकमं घालावीत नी १-२ मिनिटे अजून कालवण शिजू द्यावे.
  8. चवीपुरते मीठ घालून ढवळावे .
  9. बांगड्याचे कालवण गॅसवरून खाली उतरवावे नी झाकण घालून जरासे मुरल्यावर वाढायला घ्यावे .
  10. तांदळाची भाकरी , ऊन ऊन भात यांसोबत खायला अप्रतिम लागते .
Recipe by Kali Mirch - by Smita at https://kalimirchbysmita.com/konkani-bangda-curry/