खानदेशी पारंपरिक भेंडके - चिवईचे फुणके
Author: 
Recipe type: Main
Cuisine: Indian
 
Ingredients
  • किती बनतील : ८ ते १०
  • तयारीसाठी वेळ : ३० मिनिटे
  • बनवण्यासाठी वेळ : २० मिनिटे
  • साहित्य :
  • १ कप चिवळ किंवा चिवईची किंवा चिऊची भाजी , निवडून , स्वच्छ धुऊन
  • पाव कप = ५० ग्रॅम्स मूग डाळ
  • पाव कप = ५० ग्रॅम्स चणा डाळ
  • पाव कप = ५० ग्रॅम्स तूर डाळ
  • १ लहान कांदा = ६० ग्रॅम्स बारीक चिरून
  • पाव कप बारीक चिरलेली कोथिंबीर
  • १ इंच आल्याचा तुकडा
  • ६-७ लसणीच्या पाकळ्या
  • ६-७ हिरव्या मिरच्या
  • २ टीस्पून जिरे
  • पाव टीस्पून हिंग
  • अर्धा टीस्पून हळद
  • पाव टीस्पून लाल मिरची पूड
  • अर्धा टीस्पून तेल ( शेंगदाण्याचे तेल असल्यास उत्तम )
  • चवीपुरते मीठ
Instructions
  1. कृती:
  2. सगळ्या डाळी एकत्र करून ३-४ वेळा पाण्याने स्वच्छ धुऊन घ्याव्यात . नंतर ४ ते ५ तासांसाठी पाण्यात भिजू घालाव्यात .
  3. चिवळ निवडून तिचे जून देठ मोडून , स्वच्छ धुऊन घ्यावी . यात बारीक अळ्या असण्याची शक्यता असते , म्हणून नीट पाण्यात खळखळून धुवावी . चाळणीत थोडा वेळ काढून तिचे पाणी निथळू द्यावे आणि नंतर बारीक चिरून घ्यावी .
  4. डाळींतले पाणी काढून आले , मिरच्या , लसूण , आणि जिरे घालून बारीक वाटून घ्यावे . डाळी वाटताना पाण्याचा वापर करू नये . हे पेस्ट घट्टच असली पाहिजे .
  5. एका बाऊलमध्ये डाळींची पेस्ट, चिवळ , कांदा , कोथिंबीर , हळद , लाल मिरची पूड , हिंग , मीठ आणि १-२ टीस्पून तेल घालून नीट एकत्र करून घ्यावे .
  6. मोदक पात्रात किंवा पातेल्यात पाणी उकळत ठेवावे . तो पर्यंत या मिश्रणाचे आपल्याला हव्या त्या आकाराचे मुटके किंवा गोळे बनवावेत . हाताला थोडे से तेल लावावे म्हणजे चिकटत नाहीत . चाळणीत हे गोळे ठेवून १५ ते २० मिनिटे मंद ते मध्यम आचेवर उकडून घ्यावेत .
  7. गरमागरम फुणके ताकाच्या कढीसोबत वाढावेत .
Recipe by Kali Mirch - by Smita at https://kalimirchbysmita.com/khandeshi-bhendke-funake/