Mango Sheera recipe in Marathi-आंब्याचा शिरा
Author: 
Recipe type: Dessert
Cuisine: Indian
 
Ingredients
साहित्य:
  • १ कप = २०० ग्रॅम्स बारीक रवा
  • १ कप = २०० ml पाणी
  • १ कप = २०० ml दूध
  • १ कप = २०० ग्रॅम साजूक तूप
  • १ टेबलस्पून बदामाचे पातळ काप
  • १ टेबलस्पून काजूचे तुकडे
  • १ टेबलस्पून चारोळी
  • १ कप ताज्या आंब्याचा गर ( हापूस किंवा इतर कोणताही गोड आंबा )
  • थोडे केशराचे धागे १ टेबलस्पून गरम दुधात भिजवून
  • १ कप = २०० ग्रॅम साखर
  • अर्धा कप आंब्याच्या बारीक फोडी
  • पाव टीस्पून वेलची पावडर
Instructions
कृती:
  1. सर्वप्रथम रवा मंद आचेवर एकाच रंगावर भाजून घयावा . करपू देऊ नये .
  2. एका पातेल्यात दूध नी पाणी एकत्र करून उकळून घ्यावे . झाकण ठेऊन बाजूला ठेवावे .
  3. एका कढईत १-२ टेबलस्पून तूप गरम करावे . त्यातच बदामाचे काप , काजूचे तुकडे परतून घ्यावेत. जरासा रंग बदलला की त्यात चारोळी परतून घ्यावी .
  4. सुका मेवा एका ताटलीत काढून घ्यावा .
  5. त्याच कढईत उरलेलं तूप घालावे . त्यात भाजलेला रवा घालून नीट एकत्र करून घ्यावा . २-३ मिनिटे परतावा .
  6. नंतर आच मंद करून त्यात दूध नी पाण्याचे मिश्रण घालावे . झाकण घालून मंद आचेवर शिजू द्यावे .
  7. ३ मिनिटे शिजवल्यावर झाकण उघडून रवा नीट ढवळून घयावा . रव्यात गुठळी पडू देऊ नये .
  8. आता आंब्याचा रस आणि केशराचे दूध घालून नीट एकत्र ढवळून घ्यावे .
  9. साखर घालावी , आणि साखर विरघळेपर्यंत शिरा ढवळून घ्यावा .
  10. नंतर आंब्याच्या फोडी घालाव्यात , सुका मेवा व वेलची पावडर घालून एकत्र करावे .
  11. आंब्याचा अवीट चवीचा शिरा तयार !
Recipe by Kali Mirch - by Smita at https://kalimirchbysmita.com/mango-sheera-recipe-in-marathi/