Mangalore Buns recipe in Marathi- मंगलोर बन्स- बनाना बन्स
Author: 
Recipe type: Snack
Cuisine: Indian
 
Ingredients
कितीजणांना पुरेल : २-३
तयारीसाठी वेळ : ५ तास
शिजवण्यासाठी वेळ : १० मिनिटे
साहित्य:
  • मोठी केळी पिकलेली दीड , लहान असली तर २ केळी घ्यावीत ,
  • ३ टेबलस्पून साखर ,
  • २ टेबलस्पून दही ,
  • सव्वा कप = २०० ग्रॅम गव्हाचे पीठ
  • पाव कप = ५० ग्रॅम्स मैदा
  • पाव टीस्पून मीठ ,
  • पाव टीस्पून खाण्याचा सोडा,
  • पाव टीस्पून जिरे ,
  • तेल
Instructions
  1. पहिल्यांदा केळी , साखर आणि दही एकत्र मिक्सरमधून प्युरी करून घ्यावी.
  2. एका मोठ्या खोलगट भांड्यात गव्हाचे पीठ , मैदा, मीठ , सोडा आणि जिरे एकत्र मिसळून घ्यावे .
  3. हे पीठ केळ्याच्या प्युरीत नीट मळून घ्यावे , पाणी घालू नये .
  4. हे मळलेले पीठ पाण्याने ओले करून घट्ट पिळलेल्या कापडाने झाकून ठेवावे , किमान ४ तासांसाठी ते ८ तासापर्यंत .
  5. हे पीठ साधारण ५ तासांत चांगले फुलून येते .
  6. थोडेसे चिकट असेल तर हाताला तेल किंवा तूप लावून चांगले मळून घ्यावे .
  7. मोठ्या लिंबाच्या आकाराचे गोळे बनवून किंचित पिठावर त्याच्या जाड पुऱ्या लाटून घ्याव्यात .
  8. कढईत तेल मध्यम ते मोठ्या आचेवर गरम करून घ्यावे आणि नंतर आच मध्यम करून पुऱ्या चांगल्या दोन्ही बाजूंनी लालसर रंगावर तळाव्यात .
  9. हे बन्स नारळाच्या चटणीसोबत किंवा नुसते सुद्धा खायला छान लागतात , सोबत एक फिल्टर कॉफीचा मग तयार असू द्या म्हणजे झाले !:-)
Recipe by Kali Mirch - by Smita at https://kalimirchbysmita.com/mangalore-buns-recipe-marathi/