प्रेशर कूकरमध्ये बटाटे बुडतील इतके पाणी घालावे . त्यात चांगले १ टेबलस्पून मीठ घालावे ,म्हणजे बटाटे उकडताना पाण्यात फुटत नाहीत . बटाटे उकडल्यावर थंड झाले की सोलावेत आणि त्यांच्या मध्यम आकाराच्या फोडी करून घ्याव्यात .
कढईत ३ टेबलस्पून तेल गरम करावे . त्यात मोहरी , जिरे , हिंग , मेथी , उडीद डाळ , चिरलेला कढीपत्ता आणि लसूण घालावी . लसूण जराशी गुलाबी रंगावर परतून घ्यावी .
आता आले घालावे आणि कच्चेपणा जाईपर्यंत परतून घ्यावे . हिरव्या मिरच्या घालून जरा परतून घ्याव्यात . त्यात कांदा घालून जरासा गुलाबी होईपर्यंत परतून घ्यावा .
त्यात हळद घालावी आणि मिनिटभर परतावी . नंतर थोडी चिरलेली कोथिंबीर घालून परतावे . बटाट्याच्या फोडी घालून मध्यम आचेवर एकत्र करून घ्यावे . चवीपुरते मीठ घालावे . मंद आचेवर झाकण घालून २ मिनिटे शिजू द्यावे .
नंतर साखर घालावी . लिंबाचा रस घालून एकत्र ढवळून घ्यावे .
वरून बारीक चिरलेली कोथिंबीर घालावी आणि गॅस बंद करावा .