चिकन पकोडा- Chicken Pakoda recipe in Marathi
Author: 
Recipe type: Starter
Cuisine: Indian
 
Ingredients
कितीजणांना पुरेल : ४-५
तयारीसाठी वेळ : ४५ मिनिटे
शिजवण्यासाठी वेळ : १५ मिनिटे
साहित्य:
पद्धत १:
  • २५० ग्रॅम्स बोनलेस चिकन , स्वच्छ धुऊन आणि सुमारे एक ते दीड इंचाचे तुकडे करून
  • पाऊण कप = १०० ग्रॅम्स बेसन
  • १ टेबलस्पून कॉर्न फ्लोअर
  • अर्धा टीस्पून ओवा
  • मीठ चवीनुसार
  • पाव कप बारीक चिरलेली कोथिंबीर
  • २ हिरव्या मिरच्या
  • अर्धा इंच आल्याचा तुकडा
  • ८-१० लसणीच्या पाकळ्या
  • अर्धा टीस्पून काश्मिरी लाल मिरची पावडर
  • अर्धा टीस्पून भाजलेली जिरे पावडर
  • अर्ध्या लिंबाचा रस
  • अर्धा टीस्पून धणे पावडर
  • पाव टीस्पून आमचूर पावडर
  • पाणी गरजेनुसार
  • तेल
पद्धत २:
  • २५० ग्रॅम्स बोनलेस चिकन , स्वच्छ धुऊन आणि सुमारे एक ते दीड इंचाचे तुकडे करून
  • अर्धा कप = ५० ग्रॅम्स बेसन
  • २-३ टेबलस्पून तांदळाचे पीठ
  • १ अंडे
  • पाव टीस्पून हळद
  • १ टीस्पून काश्मिरी लाल मिरची पूड
  • अर्धा टीस्पून गरम मसाला पावडर
  • मीठ चवीनुसार
  • ४ हिरव्या मिरच्या
  • ८-१० लसणीच्या पाकळ्या
  • अर्धा इंच आल्याचा तुकडा
  • पाव कप कोथिंबीर
  • १० -१२ कढीपत्ता
  • १ लहान कांदा = ४० ग्रॅम्स
  • अर्ध्या लिंबाचा रस
  • पाणी गरजेनुसार
  • तेल
Instructions
कृती :
पद्धत १:
  1. हिरवी मिरची , आले आणि लसूण १ टेबलस्पून किंवा लागेल तेवढे पाणी वापरून बारीक वाटून घ्यावे .
  2. एका मोठ्या बाऊलमध्ये हिरवे वाटण , लिंबाचा रस ,लाल मिरची पूड , आमचूर पावडर , जिरे पावडर , धणे पावडर , चवीपुरते मीठ घालून एकत्र करून घ्यावे .यात चिकनचे तुकडे घालून नीट घोळून घ्यावेत . ३० ते ४० मिनिटांसाठी मॅरीनेट होऊ द्यावे .
  3. बेसनाचे मिश्रण बनवण्यासाठी एका मोठ्या बाऊलमध्ये बेसन , कॉर्न फ्लोअर , ओवा, मीठ चवीपुरते , बारीक चिरलेली कोथिंबीर , आणि १ टेबलस्पून कडकडीत गरम केलेलं तेल घालून एकत्र करून घ्यावे . साधारण २/३ कप पाणी घालून हे मिश्रण जरासे घट्टच फेटावे . बाजूला झाकून ठेवावं .
पद्धत २:
  1. चिकन मॅरीनेट करण्यासाठी आले , लसूण , हिरव्या मिरच्या , कढीपत्ता , कांदा , कोथिंबीर आणि लिंबाचा रस घालून जाडसर वाटून घ्यावे .
  2. एका बाऊलमध्ये चिकनचे तुकडे, वाटलेला मसाला , लाल मिर्च पूड , गरम मसाला पावडर , हळद , चवीपुरते मीठ घालून नीट एकत्र करून घ्यावे . त्यात १ अंडे फोडून घालावे . बेसन , तांदळाचे पीठ घालून एकत्र करून घ्यावे . हे चिकनचे तुकडे असेच मिश्रणात ३० -४० मिनिटे ठेवून द्यावे .
  3. पकोडे तळण्यासाठी कढईत तेल व्यवस्थित मध्यम आचेवर गरम करून घ्यावे . मग पहिल्या पद्धतीने मॅरिनेड केलेले चिकनचे तुकडे बेसनाच्या मिश्रणात घोळवून मंद ते मध्यम आचेवर सोनेरी रंगावर तळून घ्यावेत .
  4. दुसऱ्या पद्धतीने मॅरिनेड केलेलं चिकनचे तुकडे डायरेक्ट तेलात घालावेत आणि क्रिस्पी होईपर्यंत तळून घ्यावे .
  5. हे चिकन पकोडे पार्टी स्टार्टर्स म्हणून टोमॅटो केचअप किंवा पुदिन्याच्या चटणीसोबत खावयाला देऊ शकता !
Recipe by Kali Mirch - by Smita at https://kalimirchbysmita.com/chicken-pakoda-recipe-marathi/