Malvani Masala recipe in Marathi- मालवणी मसाला- Kali Mirch by Smita
Author: 
Cuisine: Indian
 
Ingredients
किती बनेल : ४५० ग्रॅम्स
साहित्य: :
  • २०० ग्रॅम्स बेडगी सुक्या लाल मिरच्या
  • ५० ग्रॅम्स संकेश्वरी सुक्या लाल मिरच्या
  • ५० ग्रॅम्स पांडी किंवा लवंगी सुक्या लाल मिरच्या
  • २ टीस्पून जिरे
  • २ टीस्पून बडीशेप
  • २ टीस्पून शाही जिरे
  • १ टीस्पून मेथी दाणे
  • २ टीस्पून खसखस
  • १ टेबलस्पून मसाला वेलच्या
  • १ टीस्पून हिरवी वेलची
  • १ टेबलस्पून धणे
  • १ टेबलस्पून त्रिफळ
  • १ टीस्पून मोहरी
  • १ टीस्पून काळी मिरी
  • ५ ग्रॅम्स जायफळ
  • १ टीस्पून लवंग
  • २ टीस्पून नागकेशर
  • १ टेबलस्पून कबाबचिनी
  • ३ लहान हिंगाचे खडे
  • १ टीस्पून चक्रीफूल
  • १ टेबलस्पून जावित्री
  • १ फूल मायपत्रीचे
  • ३ हळकुंड
  • २ टेबलस्पून दगडफूल
  • ४ इंच दालचिनी
  • १०-१२ तमालपत्र
Instructions
कृती:
  1. मिरच्यांना २-३ उन्हे दाखवून घ्यावीत त्यामुळे मसाला चांगला टिकतो त्यात पोरकिडे व्हायचा धोका कमी होतो !
  2. सगळ्या मिरच्या देठे काढून एका मोठ्या जाड बुडाच्या लोखंडी कढईत बॅचेस मध्ये मंद आचेवर भाजून घ्यावीत . चांगल्या चुरचुरीत झाल्या पाहिजेत परंतु त्याचबरोबर त्या करपणार नाहीत याची दक्षता घ्यावी .
  3. भाजलेल्या मिरच्या एका परातीत पसरून नैसर्गिक रित्या थंड होऊ द्याव्यात , पंख्याखाली ठेवू नयेत !
  4. सगळे खडे गरम मसाले एका मागोमाग एक कढईत मंद आचेवर त्यांचा सुगंध दरवळेपर्यंत भाजून घ्यावेत .
  5. खाली मी प्रत्येक साहित्याला भाजण्यासाठी लागलेला वेळ लिहीत आहे .
  6. गरम मसाले भाजून झाले की ते एका ताटलीत काढावेत आणि एका छोट्या पॅनमध्ये तेल गरम करावे आणि मंद आचेवर हिंगाचे खडे तळून घ्यावेत. खड्यांचा रंग खरपूस झाला की काढून घ्यावेत .
  7. थंड झाल्यावर मिक्सरमधून मिरच्या बारीक वाटून त्यांची पूड करावी . वाटलेली पूड चाळणीतून चाळून राहिलेले मिरचीचे चाड परत मिक्सरला लावावे . आणि अशाप्रकारे छान बारीक पूड वाटून घ्यावी . अशाच प्रकारे गरम मसाला व हिंग एकत्र बारीक वाटून घ्यावे .
  8. मिरची पूड आणि गरम मसाला व्यवस्थित मिक्स करून घ्यावा . मिक्सरला लावून एकत्र ब्लेंड केला तरी चालेल .
  9. सुमारे ४५० ग्रॅम्स चा मालवणी मसाला तयार !
  10. मिरच्यांच्या ४ बॅचेस भाजायला प्रत्येकी ४ मिनिटे
  11. धणे ३ मिनिटे
  12. जिरे , शाही जिरे , मोहरी, त्रिफळ, लवंगा, नागकेशर प्रत्येकी १ मिनिट
  13. काळी मिरे , बडीशेप, खसखस, मसाला वेलची ( फोडून ) प्रत्येकी दीड मिनिट
  14. मेथी दाणे, जावित्री, हळद ( फोडून ) ३० सेकंद प्रत्येकी
  15. चक्रीफूल , दगडफूल ४५ सेकंद प्रत्येकी
  16. मायपत्री २० सेकंद
  17. दालचिनी १ मिनिट ४५ सेकंद
  18. जायफळ १० सेकंद
Recipe by Kali Mirch - by Smita at https://kalimirchbysmita.com/malvani-masala-recipe-in-marathi/